Muling maghaharap sa NBA Finals ang San Antonio Spurs at Miami Heat.
Ito ay matapos na talunin ng Spurs sa overtime ng game 6 ng Western Conference finals kanina ang Oklahoma City Thunder sa score na 112-107.
Hindi na nagawa ng Thunder na umabot pa sa game 7 ang Western Conference finals nang seryosohin ng Spurs ang game 6 dahilan upang makamit ang 4-2 sa best of seven series.
Narito ang mga scores mula sa players ng Spurs; Diaw 26, Duncan 19, Leonard 17, Ginobili 15, Green 11, Parker 8, Bonner 6, Spitter 5, Belinelli 3, Joseph 2, Mills 0.
Sa Thunder; Westbrook 34, Durant 31, Jackson 21, Ibaka 16, Fisher 5, Perkins 0, Collison 0, Jones 0, Adams 0, Lamb 0, Sefolosha 0.
Samantala, gaganapin ang game 1 ng NBA finals sa pagitan ng Heat at Spurs sa darating na araw ng Biyernes (Manila time) sa San Antonio.
Magugunitang sa 2012-2003 NBA season ay naidepensa ng Heat ang korona laban sa Spurs nang maitala ang 4-3 sa best of seven series sa NBA finals.
Noong 2011-2012 season ay unang nakamit ng Miami ang kampyonato laban sa Thunder matapos ang limang taon nang huling magkampyon sa NBA noong 2005-2006 season laban sa Dallas Mavericks.