Vote Buying sa Brgy. Elections, laganap pa rin.

Tulad ng inaasahan at kalakaran tuwing halalan, laganap pa rin ang pagbili ng boto sa iba't ibang dako ng bansa maging sa Barangay Elections. Hindi bababa sa P50 ang ipinamamahagi ng mga kandidato sa mga botante kapalit ng kanilang boto.

Sa nakalap na impormasyon, nagba-bahay-bahay ang tauhan ng mga kandidato at namamahagi ng pera. Maliban sa P50, may ipinamamahagi rin umanong bigas na tig-dalawang kilo sa mga botante.

Sa kabila ng mahigpit na pagbabawal at paalala ng Commission on Elections o Comelec laban sa Vote Buying, matunog at kapansin pansin ang kanya-kanyang gimik ng mga kandidato sa pagsimula pa lang ng botohan kanina. Nagmistulang may nagaganap na relief operation sa ilang barangay. Ito'y matapos ang agaw-pansin na pamimigay ng mga nakabalot na grocery items at bigas ng ilang kumakandidatong Barangay Officials sa kanilang mga kababayan. Napag-alaman na iniimbitahan ng mga kandidato ang mga bontante papunta sa kanilang bahay upang abutan ng mga nasabing grocery items.