Sisimulan na ng Department of Education o DepEd ang kanilang taunang "Brigada Eskwela" sa mga pampublikong paaralan sa susunod na linggo.
Layunin nitong maihanda ang mga eskwelahan bago ang pasukan ng mga estudyante.
Ayon sa abiso ng DepEd, magsisimula ito sa Mayo 19 hanggang 24, 2014.
Inaasahan naman ang pagbubukas ng klase sa Hunyo 2, 2014.
Inaanyayahan ng kagawaran ang mga nais makibahagi sa kanilang programa na makipag-ugnayan lamang sa kanilang mga tanggapan o maging sa mga paaralan sa inyong lugar.
Ang school year 2014-2015 ay inaasahang magtatapos sa huling bahagi ng Marso 2015, upang mabuo ang mahigit 200 araw ng pasok ng mga mag-aaral.