Nanindigan ang Santo Papa na hindi gagamit ng bulletproof na sasakyan sa kanyang MidEast trip.
Iginiit ni Pope Francis na bukas ang kaniyang popemobile at normal na sasakyan lang ang gagamitin kapag siya'y nasa Gitnang Silangan at dapat na malapit siya sa mga tao.
Samantala, panibagong sakit ng ulo ang kinakaharap ng mga security ni Pope Francis sa nalalapit nitong biyahe sa Middle East.
Nais aniya ng security officials na gumamit ng bulletproof na sasakyan ang Santo Papa pero kaniya itong tinanggihan.
Sa darating na May 24-26 ay tutunguhin ni Francis ang Jordan, Palestine at Israel kasama ang isang rabbi at Islamic leader.
Wala naman umanong pinangangambahan ang Vatican na banta sa buhay ng Santo Papa pero hindi na nais maulit ang nangyari sa Brazil kung saan tumirik ang sasakyan ni Pope Francis at kinuyog ito ng mga tao.