LA CARLOTA CITY - Patuloy na ginagamot sa pribadong ospital sa lungsod ng Bacolod ang mag-asawa na tamaan ng kidlat kahapon sa La Carlota City, Negros Occidental.
Ang mga biktima ay kinilalang sina Efren Arsaga, 56 anyos at asawa na si Celia Arsaga, 53-anyos, residente ng Brgy. Yubo, lungsod ng La Carlota.
Ayon sa pahayag ng manugang ng mga biktima na si Analy, nangyari ang insidente dakung alas 3:00 kahapon ng hapon habang nasa loob ng kanilang bahay ang mga biktima.
Napag-alaman na malakas ang ulan sa nasabing lungsod kahapon at madalas ang pagkidlat.
Natamo ng sugat sa paa at tiyan si Efren habang sa likod at balikat naman ang natamo ni Celia.
Natamaan din sa tuhod ang 14-anyos na bata na si Belen.
Agad naman na isinugod ang mga ito sa ospital sa lungsod ng La Carlota ngunit nilipat din ito sa pribadong ospital sa Bacolod.