Balik sa NBA finals sa ika-apat na sunod sunod na taon ang Miami Heat matapos na tuldukan na ang serye sa Game 6 nang talunin ang Indiana Pacers sa eskor na117-92.
Kapwa nagtala ng tig-25 points sina LeBron James at Chris Bosh upang idispatsa muli ang Pacers sa ikatlong sunod sunod na taon.
Para sa Heat, nagtala rin ito ng franchise record sa kanilang ika-11th straight home postseason win na nagsimula sa huling dalawang laro noong huling season ng NBA Finals.
Sa ginanap na laro kanina sa kanilang teritoryo, hindi na pinakawalan pa ng Miami ang laro at umabot pa sa 37 points ang kanilang abanse upang talunin ang Pacers.
Kung tutuusin ang Pacers ang may pinakamagandang record sa regular season at namayagpag ng husto sa Eastern Conference.
Pero sa huli, hindi na umubra ang galing ng Indiana sa determinasyon ng Heat bilang tanging NBA team sa kasaysayan na umabot sa finals sa apat na sunod na taon.
Sa panig ng Pacers nanguna si Paul George ng 29 points at 8 rebounds.
Sa ngayon inaantay na lamang ng Miami kung sino ang haharapin sa pagitan ng San Antonio o Oklahoma City.
Kung sakaling talunin bukas ng Spurs ang Thunder sa game 6, magsisimula ang NBA finals sa darating na Biyernes.