Hindi umano nababahala ang Malacanang sa plano ng mga organizers ng Million People March na magsagawa ng protest rally sa June 12 kasabay ng paggunita sa Independence Day.
Sinabi ni Communications Sec. Sonny Coloma, iginagalang nila ang karapatan ng mga mamamayan para mag-organisa at magpahayag ng saloobin.
Ayon kay Coloma, umaasa na lamang sila na magiging mapayapa ang pagsasagawa ng ganitong kilos-protesta.
Magugunitang nabuo ang Million People March matapos mabulgar ang P10 billion pork barrel scam.