NEGROS OCCIDENTAL - Inaabangan na ng mga Negrense ang pagbisita ni Pangulong Benigno Aquino III ngayong araw sa lalawigan ng Negros Occidental.
Nakahanda na ang seguridad para sa pagdating ng pangulo sa Bacolod-Silay Airport na ibibigay ng pulisya at militar.
Pangungunahan ng pangulo ang inagurasyon sa dalawang malaking proyekto sa lalawigan na solar power plant at 4-lanes na tulay.
Mula sa airport ay tutungo ang pangulo sa lungsod ng San Carlos para sa inagurasyon ng solar power plant kung saan inaasahan na magtatagal ito ng isang oras lamang.
Pagkatapos nito ay tutungo rin ang presidente sa Northern Negros para sa inagurasyon naman ng Himogaan bridge sa Sagay City.
Inaasahang makakasama ng pangulo sina Energy Sec. Jericho Petilla at Department of Public Works and Highways Sec. Rogelio Singson.