Mismong ang kampo na ng state witness sa pork barrel fund scam na si Benhur Luy ang humiling sa publiko na maghinay-hinay at huwag munang paniwalaan ang lahat ng kopya ng Napoles list.
Ayon sa abogado ni Luy na si Atty. Radji Mendoza, maging sila ay nalilito na sa iba't-ibang set ng data na lumalabas, kasama ang listahan ng mga pangalan ng mga isinasangkot sa usapin.
Giit ng panig ni Luy, bagama't may inilabas silang flash drive na naglalaman ng pork barrel data, aminado naman silang hindi ito ligtas sa mga posibleng manipulasyon ng impormasyon.
Payo nito sa mga may hawak sa kaso, balikan ang tunay na data at manatili sa mga hawak na ebidensya upang huwag maligaw.