Laking pasasalamat ng isang turista mula sa Amerika na hindi na pinangalanan dahil nakabalik din siya sa nasabing bansa matapos ang bakasyon nito sa Ilocos Norte noong nakaraang buwan ng Mayo.
Ito'y matapos maibalik ang kanyang nawalang bag sa Paoay viewdeck na puno ng kumpol ng pera pati na ang kanyang passport.
Nabatid na ang bag ng turista na tubo ng Sinait, Ilocos Sur ngunit naninirahan na sa Amerika ay isang ordinaryong bag lamang kaya't hindi inakala ng dalawang tour guide na nakapulot na puno ito ng kumpol ng pera.
Hindi naman nasilaw ang dalawang tour guide sa dami ng pera na nilalaman ng naturang bag.
Dahil sa pagiging honest ng dalawang tour guide na sina Juliemar Cachero at Josephus Gaoiran, parehong residente ng Paoay, Ilocos Norte ay pinapurihan sila ni Gov Imee Marcos.