Idineklara na ng Philippine Atmospheric, Geophysical and Astronomical Services Administration o Pagasa ang panahon ng tag-ulan sa bansa.
Ayon kay Vicente Malano, Acting Administrator ng Weather Bureau, naideklara na ang panahon ng tag-ulan dahil sa nararanasang pag-iral ng Habagat o Southwest Monsoon.
Maliban dito nararasanan na rin umano ang palaging pagkulog, pagkidlat, maalinsangang panahon, at halos araw-araw na pag-ulan.
Ang Official Declaration ng rainy season ay sinabayan pa ng pagiging ganap na bagyo ng Low Pressure area o LPA sa Batanes na pinangalanang “Ester”.
Samantala, aabot sa dalawang bagyo pa ang asahan ngayong buwan ng Hunyo.
Ayon sa Pagasa, hindi naman gaanong malakas ang mga bagyong darating ngunit maghahatid pa rin iyon ng ulan at bahagyang hangin.
Ngayong araw ang pagsisimula ng tag-ulan na nagkataon naman sa pag-develop ng ikalimang bagyo na tinawag nilang tropical depression Ester.
Sinabi rin ng Pagasa na dapat paghandaan ang maulang panahon sa araw ng kalayaan sa Hunyo 12, 2014.
Partikular na lantad sa ulan ang mga lugar na nasa weastern seaboards dahil sa paglakas ng hanging habagat.