Patay ang apat na taong gulang na batang lalaki makaraang mabulunan ng kinaing fish ball sa Resort Home sa Persiaran Cinta Sayang, Malaysia.
Kinilala ang biktima kay Lim Wei Kiat, 4-anyos.
Ginaya umano ng bata kung paano kinain ng kaniyang ina ang fish ball na kasing laki ng peso coin kaya kaagad nilulon.
Ngunit sumabit ito sa lalamunan ng bata at bigo ang ina sa pagsisikap na makuha ang kinain nito.
Isinugod sa ospital ang bata ngunit matapos ang tatlong oras ay namatay dahil sa kakulangan ng oxygen sa nasabing ospital.