Niyanig ng 4.2 Magnitude ang lalawigan ng Antique kaninang umaga dakung alas-5:47, Hunyo 10.
Ang sentro ng pagyanig ay nasa 25 kilometro sa timog-silangan ng Anini-y, Antique na may lalim na walong kilometro at tectonic origin ang dahilan.
Naramdaman ang intensity 4 sa bayan ng Anini-y habang intensity 3 naman sa bayan ng San Jose, Antique at Iloilo.
Ayon sa mga residente ng Anini-y, dalawang pagyanig ang kanilang naramdaman.
Aniya, may kalakasan ang unang pagyanig na tumagal ng halos 10 segundo habang medyo mahina naman ang ikalawang pagyanig na tumagal ng nasa 30 segundo.
Wala namang naitalang pinsala sa sentro ng lindol.