Nasa limang katao ang naiulat na nasawi dahil sa pagbaha sa magkakahiwalay na lugar sa Cotabato City.
Sa ulat ng North Cotabato Provincial Risk Reduction and Management Council o PDRRMC at bayan ng Mlang Municipal Risk Reduction and Management Council o MDRRMC, napag-alaman na dalawa sa mga ito ay mga menor-de- edad na namatay dahil sa pagkakalunod.
Kinilala ng MDRRMC ang dalawang menor-de-edad na magkapatid na sina Shelron at Roniel Brania.
Ayon sa MDRRMC, may isa ring nalunod mula sa Barangay La Fortuna ng Mlang.
May isa ring nasawi na hindi nakikilala mula sa bayan ng President Roxas.
Patay rin ang 52-anyos na si Wilson Abinsay, tricycle driver na taga-Bulacanon bayan ng Makilala.