Ngayon palang ay nananawagan na ang isang Anti-Drugs Advocate Group na i-ban ang concert sa Pilipinas ng British Pop Boy Band na One Direction.
Ito'y kasunod ng ulat na gumagamit umano ng marijuana ang dalawa sa miyembro ng nasabing grupo na mabilis kumalat sa Internet ang video nito.
Ayon kay Jonathan Morales, founder ng Anti-Drugs Advocate Laban ng Pamilyang Pilipino, napakaraming kabataang Pilipino ang umiidolo sa grupo gayong masamang imahe lamang ang ipinapakita nito.
Una rito, maraming kabataan ang pumila at nagpuyat makaraang buksan ang bentahan ng tickets para sa concert.
Inanunsyo ng promoter na Ovation Productions na isasagawa ang concert ng One Direction sa March 21 at 22 sa susunod na taon.