Gumawa ng panibagong record ang worldwide smash hit ng Korean rapper na si Psy, na "Gangnam Style."
Ito'y makaraang pumalo na sa 2 billion ang hits ng music video ng "Gangnam Style" sa video-sharing website na YouTube.
Bagama't hindi na bago para sa "Gangnam Style" ang paggawa ng record.
Nabatid na tatlong buwan lang simula nang ito'y na-upload noong July 2012, gumawa kaagad ito ng 800 million views sa YouTube, sanhi upang ito'y maging "most watched video of all time".
Binaha naman ng pagbati ang Twitter feed ni Psy sa panibagong milestone na naabot.
Sa kaniyang tweet, sinabi ni Psy na karangalan sa kaniya ang nasabing achievement ngunit tinawag nitong "burdensome" ang naturang numero.
Napag-alaman na sa susunod na linggo ay ilalabas ni Psy ang kaniyang bagong single.