Tatangkaing makabawi ng Miami Heat sa Game 2 sa Lunes matapos na makauna nang panalo ang San Antonio Spurs, sa eskor na 110-95.
Nagpadagdag pa sa kamalasan ng Miami ang pagkawala sa game ni LeBron James, dahil sa naranasang pulikat, samantalang ilang minuto na lamang ang nalalabi sa huling quarter.
Nanguna naman sa opensa ng Spurs si Tim Duncan na may 21 points at 10 rebounds, si Manu Ginobili ay may 16 points at 11 assists, habang si Tony Parker ay nagdagdag ng 19 points at eight assists.
Dahil sa panalo, napanatili ng Spurs ang kanilang panalo tuwing Game 1 simula nang umabot sa sila sa NBA Finals at ngayon ay merong anim na sila.
Ang dating NBA MVP na si James ay nagtapos sa 25 points sa loob ng 33 minutong paglalaro.
Samantala, humingi naman nang paumanhin ang NBA sa nangyaring electrical failure sa loob ng AT&T Center kung saan ginanap ang venue ng Game 1 ng NBA Finals.
Pagsapit na ng third quarter nang aminin sa pamamagitan ng public address system ang pangyayari na sinalubong nang boos at kantyaw ng mga basketball fans na nagkasya na lamang sa pagpaypay sa sarili.
Ang tindi ng init ng laro, lalo na ang palitan ng score ay nagpadagdag sa matinding kompetisyon ng dalawang magkaribal na team.
Ayon sa anunsyo ng Spurs Sports & Entertainment, nagkaroon ng electrical failure sa AC system, kaya humihingi sila nang paumanhin dahil naapektuhan maging ang airconditioning system.