MURCIA - Dead on the spot ang isang magsasaka matapos natamaan ng kidlat sa lalawigan ng Negros Occidental.
Nagtamo ng paso sa malaking bahagi ng katawan ang biktimang si Crisanto Rivera 26-anyos at residente ng Hda. San Isidro, Brgy. Lopez Jaena, Murcia dahilan ng kaniyang agarang pagkakasawi.
Batay sa imbestigasyon, nag-aararo sa taniman ng tubo ang biktima dakong ala-1:20 kahapon ng ito ay natamaan ng kidlat.
Napag-alaman na biglang umulan kahapon at nagsi-uwian ang mga kasama nitong nag-aararo ngunit naiwan ang biktima kung saan nagkaroon ng malalakas na pagkulog at pagkidlat.
Dahil dito ay tinamaan ang biktima at natagpuan na lang ang bangkay sa ilalim ng tubo kasama ang aso na patay na rin.