Sa pagdinig ng Senate committee on trade, commerce and entrepreneurship sa isyu ng mabagal pero mahal na internet service, sinabi ng Department of Science and Technology o DOST na congestion o sabay-sabay na paggamit ang dahilan kung bakit mabagal ang internet service sa Pilipinas.
Kaugnay nito, inatasan ni Sen. Bam Aquino ang National Telecommunications Commission o NTC na pag-aralan kung ang congestion nga lang ang dahilan ng poor internet service sa bansa.
Naniniwala rin si Aquino na dapat mapasailalim bilang basic service ang internet access para ma-regulate ng gobyerno ang presyo nito.
Sa ngayon kasi value added service lang ang internet at hindi sakop ng regulasyon ng pamahalaan.
