Kaso laban sa nambugbog kay Vhong Navarro inihahanda na.

Bumuhos ang dasal at simpatya para sa aktor na si Vhong Navarro mula sa mga kasamahan sa industriya at sa mga tagahanga nito. Ito'y sa gitna ng malubha na kalagayan ngayon ng TV Host makaraang binugbog ng nasa anim na kalalakihan sa isang Condominium Unit sa Taguig nitong Miyerkules, Enero 22, 2014.

Inihahanda na ang kasong isasampa laban sa mga responsable sa nambugbog sa TV host-actor. Sinabi ng manager ni Navarro na si Direk Chito Roño na inaayos pa ng kanilang mga abogado ang kaso. Ayon kay Roño, inimbitahan si Vhong ng isang kaibigang babae sa isang condominium sa The Fort, Taguig nitong Miyerkules. Pero sa hindi malamang dahilan, piniringan ang aktor ng nasa anim na kalalakihan, ginapos, tinakot, binugbog at hiningan pa ng pera bago iniwan. Sinabi ni Roño na sa Lunes ay nakatakdang sumailalim sa operasyon si Navarro.

Hindi pa makapagbigay ng karagdagang detalye ang direktor dahil ngayon pa lang daw nakakapagsalita ang aktor para magbigay ng pahayag sa mga otoridad. Bagama't nakakagalaw naman ang aktor, hindi pa maayos ang kalagayan nito. Tiniyak ni Roño na kanilang ipupursige ang hustisya para sa aniya'y hindi makataong ginawa kay Navarro.


Vhong Navarro Beaten CCTV Footage