Mahigit sa 500 pasahero stranded dahil sa bagyong Caloy

Umaabot naman sa mahigit 500 pasahero ang stranded sa Macabalan Port sa lungsod ng Cagayan de Oro. Ayon kay Philippine Coast Guard Regional Spokesperson Lt.Commodore Eliezer Danlay na ang nasabing mga pasahero ay nagmula sa dalawang barko ng Trans Asia Shipping Lines sa lungsod na papunta sana sa mga syudad ng Cebu at Tagbilaran.

Sinabi ni Danlay na hangga't hindi maibababa mula sa public storm signal No. 1 ang ilang mga probinsyang sakop ng Hilagang Mindanao ay wala rin silang pahihintulutang mga barko na makapagbiyahe. Napag-alaman na kasalukuyan ding naka-yellow alert status ang buong Cagayan de Oro habang patuloy na mino-monitor ang magiging takbo ng bagyong Caloy na patuloy pa nagdadala ng malaking banta sa mga residente sa ilang bahagi ng Mindanao at Visayas.