Posibleng makalabas na ng Philippine Area of Responsibility o PAR sa loob ng maghapon ang bagyong si Ester.
Ayon sa ulat ng Pagasa, huling namataan ang sentro ng bagyo sa layong 330 kilometro sa hilagang silangan ng Basco, Batanes.
Taglay pa rin nito ang lakas ng hangin na 55 kilometro bawat oras malapit sa gitna.
Kumikilos ito nang pahilagang silangan o palayo ng ating bansa sa bilis na 20 kilometro kada oras.
Sa ngayon ay tinanggal na ang mga storm signals, habang hanging habagat na lamang ang naghahatid ngayon ng mga pag-ulan sa malaking bahagi ng Luzon.
Kabilang sa mga uulanin ngayong araw ay ang Batanes, Calayan, Babuyan group of islands, Ilocos provinces, Cordillera, Central Luzon at Metro Manila.