Dumistansya muna ang Food and Drugs Administration o FDA-7 na magbigay ng komento tungkol sa napaulat na may namatay matapos uminom ng energy drink noong nakaraang araw sa may Brgy. Langtad, Lungsod ng Naga, Cebu.
Kinilala ang namatay na si Richard Miraflor, 39-anyos, at residente ng Brgy. Alang-Alang, Lungsod ng Mandaue, Cebu.
Batay sa medical record ng Regional Health Unit-Naga City, patay na si Miraflor nang isinugod sa ospital.
Ayon sa mga kasamahan ng namatay, nagpaalam ito sa kanila na bibili ng maiinom sa tindahan at doon nalang nila nalaman noong may sumigaw ng "tulong."
Tinanong ng mga otoridad ang tindera at sinabi nito na nang naubos ng biktima ang energy drink ay bigla nalang itong natumba at nawalan ng malay.
Kaugnay nito, ikinaalarma na ng mga mahihilig uminom ng energy drink sa panahong nauuhaw at napapagod.