Nagbabala na ang Bureau of Fisheries and Aquatic Resources o BFAR-Bicol sa mga mamamayan na huwag na munang kumain ng mga shellfish mula sa karagatang sakop ng Mandaon, Masbate.
Ito'y matapos makumpirma na apektado ng red tide ang coastal waters ng naturang lugar.
Ayon sa BFAR-Bicol Public Information Officer, nabatid na maliban sa mga shellfish ay dapat ding iwasang kumain ng mga scallops.
Napag-alamang malaki sana ang produksyon ng scallops sa lugar na ini-export ng ating bansa.
Ngunit maaari pa rin aniyang kainin ang mga ito kung tatanggalan ng ibang parte dahil ang ini-export lang naman ay ang mga adductor muscles nito.
Sa ngayon, araw-araw aniya silang kumukuha ng meat and water samples upang mamonitor ang lebel ng toxin.
Napag-alamang isa sa mga sanhi ng red tide ay ang mainit na panahon at biglaang pagbuhos ng ulan na nagiging daan upang magkaroon ng upwelling sa karagatan na pinag-uugatan ng pagdami ng mga toxin.